Климатски промени: Во Велс ќе се градат 20.000 социјални домови со ниска емисија на CO2

Министерката за климатски промени, Џули Џејмс, ги соопшти плановите за изградба на 20.000 социјални домови со ниска емисија на јаглерод диоксид. Според сегашниот план, социјалните домови би биле готови до 2026 година. 

Здруженијата за домување велат дека тоа може да доведе до илјадници работни места и можности за обука. Но, противниците на велшката влада рекоа дека би изградиле поголем број на социјални домови.

Сите куќи ќе го исполнат она што владата го опишува како „смели, квалитетни и еколошки стандарди“.

Некои од домовите можат да станат минијатурни електрани, користејќи зелена технологија за да произведат повеќе електрична енергија отколку што им е потребна. Градењето на овој вид на домови се предвидува дека ќе продолжи низ целата држава. 

Џули Џејмс, министерка за климатски промени, рече: „Ние градиме во обем за да се справиме со нерамнотежата во понудата и побарувачката, бездомништвото, растечката криза во вторите куќи и климатските итни случаи“.

Бетан Проктор, менаџер за политика и надворешни работи во Заедницата за домување Цимру, рече дека се работи за „исклучително значаен“ потег.

„Навистина ќе им се овозможи на станбените здруженија да почнат да декарбонизираат со побрзо темпо и поголем обем што ќе доведе до позитивно влијание врз целата држава.“

Со градењето на социјалните домови, ќе се отворат 7.000 работни места, 3.000 можности за обука и помош за производство на речиси 2 милијарди фунти економски производ во Велс во следните пет години, тврди Џејмс.

Добротворната организација за бездомници Цимру рече дека ја поддржува изградбата на социјални станови за разлика од таканаречените „домови со поволни цени“, кои за многумина се недостапни.

„Веќе постојат 70.000 семејства во Велс кои се на списоци на чекање кои бараат социјално домување“, рече извршната директорка на Шелтер, Рут Пауер. „Исто така, имаме повеќе од 6.000 луѓе во привремено сместување и според политиката за право на купување до 2016 година, загубивме 139.000 социјални домови.“

„Целосно ја поздравуваме посветеноста на владата, што всушност и ја покажува потребата за справување со маргинализираните категории на лица на кои им е потребно домување во Велс.“

Таа, исто така, сугерираше дека исто така треба да се посвети внимание на оние што живеат во постојниот станбен фонд во Велс, кој е меѓу „најстарите во Обединетото Кралство“.

Оваа дискусија ја отворија и еколозите, кои велат дека вистинскиот предизвик кога станува збор за намалување на емисиите на стакленички гасови од домувањето е што да се прави со веќе постоечките 1,5 милиони домови во Велс.

Source BBC