Време на криза, време на штедење- државата најавува различни тарифи за струјата за потрошувачите, но зошто се чекаше толку долго и зошто досега се штитеа само големите потрошувачи на струја, а не и останатите граѓани?
Додека инфлацијата го топи животниот стандард, Регулаторната комисија најави дека од први јули ќе се воведува нов систем и тарифник за пресметување на потрошената електрична енергија во домаќинствата. Како ќе се пресметува потрошувачката на струјата за граѓаните во периодот што следи и зошто досега никој не го заштити населението од високите тарифи? Податоците од Државниот завод за статистика кои станаа актуелни изминатиов период во јавноста покажуваат дека околу 22% од граѓаните живеат под прагот на сиромаштија.
Гости во 25 минути се професор Антон Чаушевски, советник на премиерот Димитар Ковачевски, професор Констатин Димитров, Машински факултет, и претседателот на Регулаторна комисија за енергетија, Марко Бислимоски.