„Во Македонија годишно умираат повеќе од 3.500 луѓе од загаден воздух! Ако се дозволи изградбата уште повеќе ќе се спречи струењето на воздухот што ќе резултира со уште поголемо негово загадување и дополнително ќе се влоши квалитетот на живот во центарот на Скопје. Центарот ќе биде парализиран од сообраќаен метеж и луѓето што живеат и работат во близина нема да може да ги извршуваат секојдневните обврски!“
Со одржување на овој протест, граѓанските иницијативи бараат:
Да се запрат градежните активности поради сомнеж за корупција и злоупотреби на службената должност;
Произнесување на јавното обвинителство во однос на иницијативата од Државната комисија за спречување на корупцијата;
Одвојување на средства од централниот буџет доколку Општина Центар нема доволно за новомаалци да добијат решение и излез од нехуманите услови во кои живеат;
Советот на Општина Центар најитно да го изгласа елаборатот за суспензија за натамошно спроведување на овој ДУП;
Државниот инспекторат за градежништво и урбанизам најитно да спроведе надзор врз основа на претставката поднесена од ЗЕЛЕН ХУМАН ГРАД, и
За локацијата да се распише меѓународен конкурс со кој ќе се гарантира зелено и хумано решение.