Жена на раководна позиција на Лувр за првпат во историјата

Познатиот музеј Лувр во Париз, по 228 години постоење, за првпат има жена на директорската позиција, пренесува Гардијан.

Лоренс де Карс (54), која претходно ги предводеше Музејот Orsay и Музејот Orangerie и им обезбеди рекорден број посетители во 2019 година, ќе ја преземе својата нова функција во септември 2021 година.

Де Карс изјави дека била искрено изненадена кога министерката за култура Розелин Бачелот и се јавила за да и ги соопшти вестите. „Тоа беше радосен и емотивен момент за мене. Никогаш нема да го заборавам тој повик“, рече таа.

Новата директорка на Лувр е позната по тоа што се залага за враќање на уметнички дела украдени од нацистите за време на Втората светска војна и по програмите наменети за помладата публика.

„Сакам да размислиме за она што го сметаме за „универзален музеј“. Тоа е етикета што му ја припишуваме на Лувр, но не е точна. Музеите треба да бидат универзални и тоа е она што ме интересира “, рече де Кар.

Според француското Министерство за култура, околу 67 проценти од националните музеи ги водат жени.