Хрватска: Истополовите парови можат да пристапат до оценувањето за посвојување на дете
На крајот на април 2021 година, Управниот суд во Загреб донесе позитивно решение против Кожиќ и Шегота во овој случај, против што се жалеше надлежното Министерство. По една година Вишиот управен суд пресуди и одлучи по жалбата на Министерството.
Истополовите парови во Хрватска можат заеднички да пристапат кон процедурата за оценување на посвоителите и не смеат да бидат дискриминирани врз основа на нивната сексуална ориентација, се вели во пресудата на Вишиот управен суд на Република Хрватска. Жалбата на надлежното Министерство против пресудата на Управниот суд во Загреб од април 2021 година, со која на животните содружници Младен Кожиќ и Иво Шегота требаше да им се овозможи пристап до постапката за процена за посвојување, беше одбиена.
Кожиќ и Шегота се пријавиле во Центарот за социјална работа пред шест години за да станат згрижувачи и посвоители. Нивните барања биле уредно примени, но потоа во двете постапки биле одбиени само затоа што биле во животно партнерство. По долга правна битка во 2020 година, тие успешно станаа згрижувачки родители на две деца.
Минатата година, првостепениот управен суд донесе одлука дека тие можат да станат и посвоители, а по жалбата на министерството, одлуката на Вишиот управен суд конечно ги отстрани сите сомнежи.
По пресудата, Шегота и Кожиќ изјавија:
„Нашата приказна за посвојување започна во 2016 година, кога бевме отфрлени од системот затоа што сме истополова двојка во животно партнерство. Оваа приказна траеше шест години. Шесте години кои ние ги поминавме не се ништо во споредба со шесте години живот на децата што тогаш можевме да ги посвоиме. Деца кои ги немаа шансите за живот како што ги имавме во воспитувањето. Шестте години на овие деца се изгубени поради политичка одлука која во име на одбрана на т.н традиционалните вредности беше подготвена да го погази правото на семејство на деца што општеството го заборави.“
Оваа пресуда има далекусежни последици за правата на ЛГБТИ лицата и истополовите парови во Република Хрватска, бидејќи со неа животните партнери добиваат еднакви права како и сопружниците.
„Оваа пресуда е од огромно симболично значење за сите ЛГБТИК луѓе во Хрватска. Тоа го потврдува нашето право на семеен живот и дека нечија сексуална ориентација не може да биде основа за дискриминација. Ние сме многу горди на нашите членови Иво и Младен, а нивната упорност и борба со системот го промени нашето општество и им дава надеж особено на младите ЛГБТИ во Хрватска дека системот може да се промени и дека утре може да биде подобро. Оваа пресуда има многу други импликации за ЛГБТИ лицата во Хрватска и нивните семејства, но за тоа ќе зборуваме некој друг пат. Нашата потрага по еднаквост не е завршена, но ова е огромен чекор напред. Ги покануваме сите истополови парови кои се заинтересирани за посвојување и сакаат да дознаат повеќе информации слободно да не контактираат“, изјави Даниел Мартиновиќ, претставникот на Здружението на семејството Виножито.
Имено, бидејќи при проценката нема дете кое треба да биде заштитено, туку евентуално само по позитивно мислење на Центарот за социјални работи, посвоителите можат да започнат со посвојување дете – за што Центарот одлучува дали е во негов најдобар интерес да биде посвоено од страна на истополови парови. Во пресудата се споменуваат претходни пресуди на Европскиот суд за човекови права со кои се гарантира заштитата на семејниот живот на истополовите парови и примената на Конвенцијата за заштита на човековите права и основни слободи.
