Тролови и расизам на социјалните мрежи

Многумина имаат изградено кариери од преку социјалните медиуми, без разлика дали тоа е преку Твитер, Инстаграм, Јутјуб или ТикТок.

Но, со оглед на тоа што некои sвезди на социјалните мрежи добиваат илјадници, па дури и милиони следбеници, негативнта страна од постојаното присуство на Интернет е дека станувате толку достапни за луѓе кои не ги познавате.

На почетокот на оваа година, „Офком“ објави дека им се даваат нови овластувања да ги принудат фирмите на социјалните мрежи да дејствуваат во врска со сајбер-малтретирање.

И платформите на социјалните медиуми, вклучувајќи ги Твитер и ТикТок, имаа проблеми да ја искоренат расистичката злоупотреба против корисниците.

Ова доаѓа напоредно со неодамнешниот извештај открива дека 46% од жените кои биле испитани пријавиле дека доживеале злоупотреба на Интернет од почетокот на КОВИД-19. Оваа бројка се зголеми на 50% кај црните жени, малцинства и небинарни луѓе.

„Има толку многу багаж што доаѓа со тоа што си црна девојка.“

Студентката и ѕвезда на ТикТок Наоми има илјадници следбеници на нејзината страница, каде што зборува за расизмот и црно-британската историја.Но, нејзината зголемена популарност на апликацијата доведе до појави на расистичка злоупотреба. Таа вели дека добива барем еден расно навредлив коментар на ден на апликацијата.„Добивм толку многу расистичко малтретирање на апликацијата што ми штети на менталното здравје и треба да се заштитам од тоа“, вели таа.„Се обидов да го задржам во себе и да продолжам да ги правам своите видеа, но не бев задоволна правејки го тоа“.Наоми истакнува специфичен коментар во врска со едно од нејзините видеа каде ги едуцираше своите следбеници за црно-британската историја, кога интернет-трол одговори со „вашата историја не е важна затоа што сте тука за да чистите тоалети“.„Многу од нив се само интернет-тролови, тие немаат вистинско лице или име“, вели таа. „И покрај тоа што знаете дека некој се крие зад компјутерот, тоа сепак има влијание.“

„Јас секогаш ги добивам класичните коментари како:„ О, ти внесуваш раса во сè “,„ Врати се таму од каде што си дојдена “, или„ Ти си лута црна жена “, што е толку фрустрирачки затоа што не сум лута. „Страствена сум и ако сум лута имам целосно право да се лутам затоа што си бил расист кон мене. Наоми, која пораснала во нигериско домаќинство во Велика Британија, вели дека сака да ги користи социјалните мрежи за да им помогне на младите црни девојки. “Моето детство беше доста поразлично од тоа на многу од моите пријатели. Јас толку силно се идентификувам со тоа што сум од Нигерија, тоа е дел од мене. „Јас само сакам да создадам заедница каде сите ќе се чувствуваат прифатени затоа што има толку многу багаж што доаѓа со тоа да се биде црна девојка. „Едноставно не сакам ниту една црна девојка да порасне размислувајќи:„ Не сум доволно убава, луѓето би ме сакале повеќе ако не сум црна “.

„Создадов свој мал круг од луѓе што ме разбираат.“ 

Авторката и писателка Стефани Јебоа има голем број на следбеници на Твитер и на Инстаграм, каде што создава содржина за позитивноста на телото, расата, интерсекционалноста и феминизмот. Стефани откри дека социјалните мрежи и помогнале во нејзината кариера и и донеле многу работа, користејќи го скоро како „мало CV“, вели таа. Како Наоми, и нејзиниот успех на социјалните мрежи доведе до злоставување. „Секогаш ќе има редок момент кога нешто што ќе напишам или некоја од моите објави ќе стане популарна, а тоа ќе ги покани троловите и ќе ги покани луѓето што сакаат да бидат расистички или дебелофобични да ми влезат под кожа. Таа посочува дека најголемиот дел од тролањето што го добива е од црни мажи. „Честопати има потреба од тоа да ме понижат или да ме стават на мое место, па сметам дека е доста вознемирувачки кога тролањето се чини дека доаѓа од мојот двор, така да се каже“, вели таа.

Преземено од: BBC